Ish deputeti i AKR-së në Kuvendin e Kosovës, Islam Pacolli ka ngritur shqetësim për ndërprerje të vazhdueshme të energjisë elektrike në vend.

Përmes një statusi në Facebook, Pacolli ka thënë se  qytetarët që 20 vite nuk e kanë të rregullt furnizimin me energji elektrike.

Ai kritikon KEDS / KESCO që cilët sipas tij e kanë obligim ligjor që qytetarët t’i furnizojnë në mënyrë të rregullt me energji elektrike./arbresh.info/

Postimi i plotë:

DERI KUR QYTETARËT E KOSOVES DO TE BALLAFAQOHEN ME PROBLMIN E FURNIZIMIT  ME ENERGJI ELEKTRIKE

Të gjithë qytetaret e vendit tani e njëzetë vite furnizimin me energji elektrike nuk e kanë të rregullt, e as përafërsisht në nivelin e duhur. Përkundër asaj qe privatizimi i shpërndarjes dhe furnizimit të energjisë elektrike në Kosovë nga KEDS dhe  KESCO është bërë pothuaj qe gati qe 10 vite, qytetaret e Kosovës janë të dëshpëruar me furnizim jo kualitativ (rënie të tensionit) dhe  ndërprerje të shpeshta të energjisë elektrike, posaçërisht ne këto dite dimri, e  si pasoj e së cilës xhepi  i qytetarëve të varfër po zbrazet furishëm me dëmtimet e pajisjeve të amvisërisë dhe pajisjeve tjera elektrike.

KEDS / KESCO e kanë obligim ligjor që qytetarët të i furnizojnë në mënyrë të rregullt me energji elektrike e jo vetëm të e bëjnë inkasimin e mjeteve, të cilin obligim qytetarët e Kosovës e kryejnë në mënyrën më të mirë të mundshme.

Ne anën tjetër, përkundër asaj që KEDS/KESCO ka obligim ligjor që të e bëjë kompensimin e pajisjeve të dëmtuara , të cilat ndodhin si pasoj e furnizimit jo adekuat me energji elektrike, asnjëherë nuk i kryen obligimet e vete ligjore.

Është momenti i fundit që institucionet përkatëse të vendit të marrin masat e nevojshme që një herë e mirë të mendojnë për qytetarët dhe t’i mbrojnë interesat e tyre.

Me respekt

Islam Pacolli